فلسطين المنهاج

ليش بنعرفش نكون زيهم. بنعرفش نفقد الاحساس بهداك الشي البعيد. بنقدرش نضيع باللحظة..بلحظة استمتاع..بنقدرش نعيش لسعادتنا، بنقدرش. لأنه سعادتنا هي هناك في فلسطين، هي بهداك المكان اللي بنتطلعله.

قاعد هان بروما، عشاء احتفالي ع ظهر المؤتمر العلمي..بيني وبينكم الاوروبيين فشلة بالعلم بس بتفشخروا ع الفاضي..قاعدين بره عشرات حوالي وانا قاعد بالنص ع طاولة لحالي ..منزوي..مش سامع حوالي غير همهمات ..مش سامع شي منها غير هيك..همهمات.

أجمل اختراع سماعات الذنين..بتقدر تعزلك وانت قاعد بين ناس كثير. حاطط سماعاتي وتوفيق زيّاد بيحكي بداني “آت ذاك اليوم آت” وأنا ماسك دمعتي. بحاول احبسها عشان ما حد يسألني عنها…

في حد قاطعني هلكيت .. بيحكلي ” اه بتكتب عربي ..انا درست فارسي” ..بيحكي انجليزي طبعا..طبعا هو مش شايف من اللي مكتوب غير رسومات حلوة. بيقدرش يستشف شو بتخفي ألم هالكلمات..مش قادر يستشف اني أصلا مش هون معهم كلهم. “والثأر في صدري براكين اللظى تتضرم”.

فلسطين مش نشاط لا منهجي بنتناولها بأوقات الفراغ. فلسطين هي المنهج كله. فلسطين بكل شي  ..بكل شي. بكل دقيقة وكل ثانية. 

بقاطعني..”شو نزل عليك الهام الأفكار هلكيت” ..بلغة جرمانية ببغضها..بيفكر الهامي هو حسابات علاج السرطان وزيادة الثقة باختيار العلاج وهاد العلاك الفاضي اللي المفروض هو مجال بحثي العلمي. كلام ممل بمجال علمي بيعنيش شي بالمرة.

قدام فلسطين بيعنيش شي بالمرة! ” أنا من أرضنا المعطاء أعرفها وتعرفني ..فهيا يا بني وطني نداء الأرض يدعونا”

أنا عالق..عالق وما بتتحرر روحي غير بطريقة واحدة..

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s