صعب ينسرق منك لو يوم واحد من ذاكرتك! إنه عادي يتبدل الوضع  بالمستقبل والحاضر، ما هو الحاضر والمستقبل لسه بيصيروا وعم بيصيروا عادي بتتعامل معهم وبتشكّلهم، بس تنسرق منك ذكريات ولحظات الماضي؟! صعب جدًا. هاي مساحة بذاكرتك كانت مرتبطة بأحاسيس حلوة..اليوم بتصير مرتبطة بأحاسيس بشعة، وإذا بدك تلغيها بيصير فرااااغ مطرحها. هاد ماضي، بتقدريش تخترعي لحظات بديلة تعبي مكانها. 

هاي المعاني اللي بتنخلق مع الناس اللي بنبني علاقات معهم، أي نوع علاقات، كل علاقاتنا مع الناس والأماكن بتخلق معاني بتعمل لحياتنا قيمة وبتشكل أحلامنا وحيواتنا ونظرتنا للحياة. بس هاي المعاني بتاخد وقت لتستقر، يعني سنوات، باتضل مرتبطة بلحظات وفترات معينة، بس ما بترتبط بقيمة كينونتك ووجدانك غير ما تستقر لفترة طويلة، ووقتها بيصير أي ضربة لهالمعاني ضربة لصميم روحك وكينونتك.