هذه قصيدة كتبها المناضل عوض النابلسي عام ١٩٣٧ على جدران زنزانته في عكا وهو ينتظر حكم الاعدام.
يا ليل خلّي الأسير تيكمل نواحو
رايح يفيق الفجر ويرفـرف جناحو
يتمرجح المشنوق من هبة رياحو
وعيون في الزنازين بالسر ماباحوا
يا ليل وقّــف أفضّي كــل حسراتي
يمكن نسيت مين أنا ونسيت آهاتي
يا حيف كيف انقضت بإيدك ساعاتي
شمل الحبايب ضاع واتكسروا قداحو
تظن دمعي خوف دمعي عـأوطاني
عـكمشة زغاليل بالبيت جوعاني
مين رح يطعمها من بعدي،
وإخواني اثنين قبلي عالمشنقة راحو
وأم أولادي تقضي انهارها
ويلها عليَّ أو ويلها على صغارها
يا ريت خليت في أيدها سوراها
يوم دعاني الحرب تاشتري سلاحو
ظنيت النا ملوك تمشي وراها رجال
يخســا الملوك إن كانوا هيك آنذال
والله تيجانهم ما بيصلحوا لنا نعال
إحنا اللي نحمي الوطن ونضمد جراحو
أفكار فلسطيني 